Spitalet në Gaza janë bërë “kurthe vdekjeje”, shkroi Agjencia e Kombeve të Bashkuara për Refugjatët Palestinez (UNRWA) në X. ”Familjet janë shkatërruar, fëmijët ngrijnë deri në vdekje, uria po ua shkurton jetën”, shton UNRWA.
Të paktën nëntë persona, duke përfshirë një fëmijë dhe një foshnjë 15-ditore, u vranë para agimit në Rripin e Gazës nga sulmet izraelite.
Sulmet nisën disa orë pas një bombardimi në zonën humanitare të Al Mawasi – në Khan Yunis – që kushtoi jetën e 20 personave, përfshirë pesë fëmijë.
Në mëngjes gazeta libaneze ”Al Akhbar” raportoi se, sipas burimeve egjiptiane, Hamasi do t’i sigurojë Izraelit një listë të pengjeve dhe vendndodhjet e tyre, duke përfshirë atë të pengjeve të vrarë, në këmbim të një armëpushimi që zgjat deri në tetë javë.
