Brenda kësaj fundjave, siç është bërë e ditur nga Departamenti Amerikan i Shtetit pritet një listë e re Non- Grata në Ballkan. Ku përveç Kosovës, Maqedonisë së Veriut, Bosnjës, Serbisë e Malit të Zi, flitet edhe për një numër të konsiderueshëm të sanksinuarish nga Shqipëria.
Në listë flitet se janë politikanë, biznesmenë e botues të njohur. Të cilët akuzohen për korrupsion madhor dhe financim të destabilizimit të rajonit.
Pikërisht përpara publikimit të kësaj liste që mësohet se do të jetë shpërthyese, Sali Berisha dhe Edi Rama kanë arritur paktin e tyre të katërt për të mbetur në pushtet.
Pakti 4 ka një sërë klauzolash dhe një numër bashkëpuntorësh që kanë ndërhyrë dhe përfitojnë nga kjo marrëveshje.
Siç mësohet, në këtë batak, pra në marrëdhënien mes Berishës dhe Ramës, janë të njëjtët oligarkë që kanë përfituar gjithmonë fonde e koncensione publike prej këtij pakti.
Në krye qëndron Bashkim Ulaj, biznesmeni afër Sali Berishës, i cili është gjithashtu edhe klienti më i ngushtë i Edi Ramës si kur drejtonte bashkinë e Tiranës, ashtu edhe në qeverinë e tij 12 vjeçare.
Po të shohësh sjelljen e mediave të oligarkëve, kupton qartë se ku lëviz interesi i tyre në këtë marrëveshje, apo në çdo pakt të dinozaurëve.
Në prag të publikimit të listës së re Non- Grata, që mund të jetë tronditëse për elitën politike në vend, Sali Berisha dhe Edi Rama janë afruar aq shumë, sa janë gati të miratojnë çdo vendim për të ndaluar dëmin para zgjedhjeve të 11 majit. Nëse shihen vetëm mediat e oligarkëve që bashkojnë Edi Ramën dhe Sali Berishën, kupton thjesht se si paniku i ka pushtuar dy personazhet dhe enturazhin e tyre.
Më 10 janar, një zyrtar i lartë i Departamentit të Shtetit, bëri publike në Zërin e Amerikës se Presidenti Biden do të publikojë një listë të re Non- Grata.
Në një letër drejtuar Kongresit amerikan, Presidenti Biden tha se ka vendosur ta mbajë në fuqi urdhrin ekzekutiv për Ballkanin Perëndimor, të shpallur fillimisht në vitin 2001 dhe të ndryshuar në vitet 2003 dhe 2021. Ai e mori këtë vendim duke pasur parasysh “aktet e dhunshme ekstremiste, veprimet penguese dhe situatën në Ballkanin Perëndimor, që pengon përparimin drejt qeverisjes efektive dhe demokratike dhe integrimin e plotë në institucionet transatlantike që vazhdojnë të paraqesin kërcënim të pazakontë dhe të jashtëzakonshëm ndaj sigurisë kombëtare dhe politikës së jashtme amerikane”.
Urdhri, u zgjerua me disa elemente, përfshirë “përpjekjen, si bazë për përcaktim”- ndërsa më parë ishin parashikuar vetëm aktet e kryera. Po ashtu shtohen edhe kategori të reja për sanksionim si të qenurit anëtar “i një entiteti të sanksionuar”, përfshirja në sanksione e rrjetit të personave që kanë pronësi ose kontroll të përbashkët me persona të sanksionuar, si edhe e bashkëshortes/it apo fëmijëve të rritur të personit të përcaktuar.
Këto ndryshime të reja sugjerojnë që qeveria amerikane ka parasysh individë të caktuar të cilët po i konsideron nën masat e reja.
Qeveria amerikane ka menduar t’u dërgojë atyre një mesazh të fuqishëm që duhet të ndryshojnë qasje apo do të rrezikojnë të përballen me sanksionet e Shteteve të Bashkuara.
Përpara 20 janarit, logjikisht brenda kësaj jave lista pritet të publikohet zyrtarisht nga DASH. Listë që e dinë edhe Edi Rama e Sali Berisha, e që mund të sjellë një tërmet politik të përmasave të mëdha. Ndaj po përpiqen që të krijojnë lajme sensacionale, që të ushqehet media, një pjesë e së cilës, sipas informacioneve, është në listën e zezë të SHBA./Pamfleti
