Një ngjarje e paprecedentë kriminale ka ndodhur dje në qytetin e Peshkopisë.
Gerjan Kaca, student në Fakultetin e Ekonomisë Tiranë, është goditur dhe rrahur sapo ka dalë nga shtëpia nga Ervis Vraniҫi dhe dy persona të tjerë të maskuar. Gerjan Caka është duke u trajtuar në spitalin e Peshkopisë prej goditjeve të marra në kokë dhe në këmbë.
Rastin e kanë denoncuar në redaksinë e Alfapress.al, familjarët e studentit të dhunuar.
Ngjarja e rëndë është pasojë e një konflikti të krijuar nga mësuesja e anglishtes Erjola Lata, mësuese në Shkollën e Mesme të Përgjithshme “Said Najdeni” Peshkopi, me nxënësen Helena Kaca në lidhje me vlerësimin në lëndën e anglishtes.
Dhunuesi, Ervis Vranici, (Në foto), i cili ka kryer veprën penale të “të plagosjes së rëndë me dashje” është vëllai i mësueses së anglishtes Erjola Lata dhe Gerjan Kaca është vëllai i nxënëses.
Që nga shtatori, nxënësja dhe prindërit e saj kanë ndjekur hapat institucionalë për të zgjidhur konfliktin duke iu drejtuar drejtorit të shkollës, Z. Shefki Ҫorja, Përgjegjëses së zyrës arsimore Znj. Lediona Gjoka dhe prefektit të qytetit Z. Nexhbedin Shehu.
Zvarritja e zgjidhjes është dëshmi e mungesës së profesionalizmit dhe vullnetit të Drejtorit të shkollës “Said Najdeni”, duke filluar që nga mënyra aspak profesionale që ka trajtuar problemin duke krijuar presion psikologjik si mbi vajzën, ashtu dhe mbi familjen e saj, dhe në zvarritjen e moszgjidhjes e cila përfundoi në një akt kriminal të dhunimit të vëllait të nxënëses.
Zgjidhja e konflikteve mësues-nxënës, mësues-prind është detyrim institucional i Drejtorisë së shkollës dhe Zyrës Arsimore, të cilat duhet ta kishin prioritet shëndetin mendor dhe të drejtën e një adoleshentje dhe profesionalizmit të mungur të mësueses.
Akti kriminal ka tronditur mësues e nxënës dhe qytetin e Peshkopisë.
Drejtori i shkollës Z. Shefki Ҫorja duket se po shmang përgjegjësinë institucionale, për moszgjidhje të konfliktit dhe precipitim të tij në dhunë kriminale.
Edhe përgjegjësja e Zyrës Arsimore Dibër Znj.Lediona Gjoka duhet të mbajë përgjegjësi instiucionale për zvarritje dhe moszgjidhje të situatës.
Familjarët dhe opinioni publik në qytet kërkijnë nga drejtori i Policisë, Artion Duka, që në mënyrë profesionale të kryejë të gjitha veprimet operacionale në identifikimin dhe arrestimin e të gjithe personave që kanë marrë pjesë në këtë ngjarje kriminale, sa më shpejt të jetë e mundur duke shmangur kështu arratisjen e tyre.
Prokurori i rrethit Dibër Z. Abaz Muça duhet të merret me hetimin e shpejtë dhe zbardhjen e plotë të ngjarjes duke përfishirë çdo subjekt, edhe mësuesen, drejtorin e shkollës apo ҫdo funksionar tjetër publik ku nëpërmjet shpërdorimit të detyrës u bënë shkak i prodhimit të një ngjarje tjetër penale, asaj të plagosjes së rëndë me dashje./Alfapress.al
