Një shpërthim me lëndë plasëse ka ndodhur në orët e para të ditës së djeshme në Selenicë të Vlorës. Burimet nga policia sqarojnë se, shpërthimi ka ndodhur në banesën e shtetasit Sabaudin Bregu. Eksplozivi ishte vendosur tek muri rrethues i banesës së tij, por fatmirësisht nga ngjarja nuk ka asnjë të plagosur. Nga shpërthimi ka vetëm dëme materiale, ndërsa policia vazhdon hetimet për të identifikuar autorin e vendosjes së lëndës plasëse dhe zbardhjen e shkaqeve.
Ndërkohë, një furgon pa targa është gjetur i braktisur pranë fshatit Qeparo në Vlorë, i cili dyshohet se mund të jetë përdorur në ndonjë aktivitet kriminal. Burimet nga policia e qytetit bregdetar bëjnë me dije se, pranë furgonit tip “Fiat” janë gjetur gjithashtu edhe 4 bidonë bosh, të cilët dyshohet se kanë qenë të mbushura me benzinë. Grupi hetimor është duke punuar për të gjetur personat përgjegjës që kanë lënë fugonin të braktisur.
