I ftuar në “Drejt” nga Luan Rama në Ora News, Lulzim Basha kryetari i Demokratëve Euroatlantikë tha se sot duhet ta ndalim Shqipërinë që të bëhet në një mini Kolumbi.
Basha: Qasja ime është shumë e thjeshtë; stimulo mjedisin e sipërmarrjes dhe rritjen e shtresës së mesëm, stimulo konsumin e shëndoshë, ul taksat dhe ato pjesë të taksave të karburantit që rrisin kostot e produkteve, stimulo konkurrencën e ndershme dhe ki prioritete të qarta zhvillimi.
Duhet t’i japim mundësinë brezit të sotëm që të jenë në garë me rininë evropiane që të konkurrojnë me ta. Shtypje dhe represion. Nuk mund të jetë jetojnë bashkë biznesi i ndershëm dhe biznesi i parave të pista. Nuk është ky model sukses. Ekonomia kriminale vret ekonominë e vërtetë. Ne jemi në kufi dhe sot duhet ta ndalim Shqipërinë që të bëhet në një mini Kolumbi.
