Sipas autoriteteve lokale, një aeroplan komercial me dhjetë persona u raportua i zhdukur të enjten në Alaskë, SHBA.
Policia e Shtetit të Alaskës tha se aeroplani Bering Air Caravan me nëntë pasagjerë dhe një pilot në bord u raportua i zhdukur në një fluturim nga Unalakleet në Nome në orën 16:00 (koha e Alaskës).
Të dy qytetet ndodhen afërsisht 235 kilometra larg njëri-tjetrit.
Ekipet e kërkim-shpëtimit po “punojnë për të arritur në koordinatat e fundit të njohura” të fluturimit, thanë autoritetet në një deklaratë.
Vlen të theksohet se Alaska ka terren malor dhe kushte të vështira atmosferike. Shumë fshatra nuk janë të lidhur me rrugë dhe aeroplanët e vegjël përdoren për të transportuar njerëz dhe mallra.
Kjo ngjarje është e fundit në një varg të fundit të fatkeqësive ajrore në Shtetet e Bashkuara.
Më 30 janar, një avion pasagjerësh u përplas në ajër me një helikopter ushtarak amerikan në kryeqytetin Uashington, duke vrarë të gjithë 67 personat në bord.
Fatkeqësia u pasua nga rrëzimi i një avioni mjekësor në një lagje të frekuentuar të Filadelfias, duke vrarë shtatë persona dhe duke plagosur 19.
