Sulmuesi i Kombëtares shqiptare, Myrto Uzuni ka nisur stërvitjet me skuadrën e tij të re, Ostin. Lojtari beratas pritet që gjatë kësaj fundjave të bëjë debutimin e tij të parë me fanellën e klubit nga Amerika.
29- vjeçari para disa ditësh nënshkroi kontratën me klubin nga MLS-ja dhe tani ka nisur stërvitjet e para. Ostin luan ndaj Portlandit më të dielën e 2 marsit dhe Uzuni, nëse jo nga minuta e parë, pritet të jetë në stol.
Kujtojmë që Myrto u largua nga Granada, pasi shkroi historinë me këtë klub spanjoll, duke u bërë golashënuesi më i mirë i huaj i këtij klubi. Pavarësisht se ai nuk është preferuar nga trajneri Silvinjo, Uzuni do të luajë shanset e tij në Kombëtaren shqiptare, ku është pjesë nga vitit 2018.
