Kryetari i Komisionit të Prokurimit Publik Jonaid Myzyri është paraqitur sërish sot në Prokurorinë e Posaçme.
Kjo është hera e dytë që vartësi i Belinda Ballukut paraqitet në SPAK>
Më 7 prill ai dha sqarimet e tij para prokurorëve dhe hetuesve të BKH në lidhje me akuzat për abuzim me tendera, ndërsa në dalje të institucionit refuzoi të bënte komente.
SPAK është duke hetuar procedurat e tenderave përgjatë viteve 2020-2023 pasi ka dyshime të forta se janë zhvilluar pa garë, pasi në shumë raste rezulton pjesëmarrëse vetëm një kompani, e në rast të tjera, shoqëritë janë skualifikuar në mënyrë të padrejtë.
Më herët SPAK ka urdhëruar sekuestrimin e një sërë procedurave, ndërsa Kontrolli i Lartë i Shtetit gjatë një auditimi ka dalë në konkluzionin se dëmi ekonomik i shkaktuar nga abuzimet me tenderat kap vlerën e 2 miliardë e 550 milionë eurove.
