Nga Mirela Karabina
Të jesh me njerëzit, për njerëzit dhe tek njerëzit nuk ka fuqi që ta ndalë të drejtën.
Ky ishte sot vendimi i Gjykatës së Shkallës së Parë Tiranë e cila pushoi çështjen e ngritur ndaj meje si politikane dhe qytetare në mbrotje të kauzës së Teatrit Kombëtar.
Joleza Koka (FRESH, PS) më paditi për prishje imazhi, sepse në protestën kundër shembjes së Teatrit Kombëtar përmenda emrin e saj si një nga 32 këshilltarët bashkiakë, më të privilegjuarit e pushtetit me disa paga, që firmosën qorrazi në shkelje të ligjit për shembjen e Teatrit Kombëtar.
Ndërkohë që artistë, qytetarë, arkitektë, shoqëria civile dhe vetë Europa Nostra prej tri vitesh asokohe ngritën zërin kundër këtij akti, Edi Rama dhe Erion Veliaj e çuan deri në fund barbarinë dhe shembën Teatrin e kombit në mëgjesin e errët të 17 majit 2020, kohë pandemie dhe me qëndrestarë brenda.
Gjykata e Shkallës së Parë në Tiranë e rrëzoi padinë, duke vlerësuar se deklaratat e mia ishin pjesë e transparencës politike dhe reagimit qytetar. Gjithashtu ato nuk ishin të shkëputura nga konteksti, kishim një fakt, teatri u shemb, ata e fimosën ndaj reagimi ishte i drejtë për një vendim të padrejtë. Dhe, se fjala e lirë është e drejtë kushtetuese dhe ajo nuk paditet kur është në shërbim të njerëzve.
Ne jemi në shërbim të njerëzve ndaj e vërteta triumfoi.
Ndërsa zullumqarët e paskrupullt të pushtetit janë te 313.
Erion Veliaj është i pari që do të ndëshkohet dhe për shembjen e TK.
E më pas, do të jetë rradha e urdhëruesit të Ligjit Special për Teatrin, Edi Rama.
7×7= burgu 313
Shokët e Ramës janë në burg, ndërsa ne tek njerëzit dhe me ta për një Shqipëri të mirë për të gjithë.
E vërteta dhe zëri i lirë shqetëson pushtetarët dhe jo qytetarët.
Dhe unë do të jem gjithmonë aty me njerëzit, për njerëzit tek njerëzit për drejtën dhe të vërtetën.
Shpreh mirënjohjen time të thellë për gjyqtaren Znj. Esmeralda Zhili, për një gjykim korrekt, të paanshëm dhe në shërbim të së drejtës.
Një falënderim i veçantë shkon edhe për avokatin Besart Logu, për përfaqësimin e palëkundur dhe mbrojtjen e bazuar në fakte dhe ligj.
