Anësori i Napolit, Lorenzo Insigne thotë se bënë paraqitje të mirë në “Santiago Bernabeu” dhe se treguan që mund të garojnë me një skuadër si “Los Blancos”. “Mendoj se bëmë punë të mirë, sepse të gjithë e dimë se Real Madridi është kampion i kësaj gare dhe janë lider në La Liga”, tha ai për “Mediaset Premium”. “Mendoj se vetëm rezultati tregoi diferencën mes nesh dhe tyre. Ne treguam se mund të luajmë ndaj tyre. Bëmë disa gabime, por kjo do të na ndihmojë që të përmirësohemi për ndeshjen kthyese”, shtoi ai.
