Ende mister identiteti i skeletit që u gjet në Dajt

Hetimet e policisë nuk kanë mundur të zbulojnë asgjë të re mbi skeletin që u gjet në Shupal të Dajtit, dy ditë më parë. Hetuesit thonë se ai i përket një mashkulli të moshës 50 deri në 60 vjeç.
I mungojnë një pjesë e gjymtyrëve, ndërsa nuk ka shenja dhune, pasi asnjë kockë nuk rezulton e dëmtuar apo e thyer. Nuk ka të dhëna as mbi shkakun e vdekjes, nëse ka qenë natyrale apo vrasje.
Hetuesit dyshojnë se ai mund të ketë gjetur vdekjen nga dhuna, pasi i mungojnë gjymtyrët. Një tjetër version është ai i humbjes së jetës nga zjarri, pasi zona ku u gjet skeleti ishte e djegur.
Ekspertët presin përgjigjen e Mjekësisë Ligjore për të përcaktuar rrethanat. Deri tani në polici nuk ka pasur asnjë telefonate për persona të interesuar për të afërm të zhdukur.

Artikulli paraprakKorrupsion me legalizimet, në pranga ish-drejtori i ALUIZNI-it në Shkodër
Artikulli tjetërAtentati në burgun e Vaqarrit, nis gjyqi ndaj Ergys Kolaverit