Manchester United është besimplotë se shumë shpejt do të arrijë akordin me Realin e Madridit për transferimin e sulmuesit të “Los Blancos”, Alvaro Morata. Spanjolli është kthyer në objektivin numër një të teknikut Jose Mourinho. Special One i ka kërkuar drejtuesve të klubit anglez të përshpejtojnë tratativat, në mënyrë që marrëveshja të mbyllet sa më shpejt.
Tottenham po kërkon të transferojë mbrojtësin Mathias Ginter. Trajneri i skuadrës angleze, Maurizio Pochetino e ka kërkuar edhe sezonin e kaluar 23-vjeçarin, por në fund nuk ia doli dot. Kësaj here duket se marrëveshja është pranë.
Everton kërkon 60 milionë euro për Ross Barkley. Në ndjekje të mesfushorit janë Man.United dhe Tottenham. Tashmë skuadrat që duan të kenë në dispozicion shërbimet e 23-vjeçarit, duhet të paguajnë shumën e kërkuar.
Arsen Wenger premton 100 milionë euro për merkato. Trajneri i “Topçinjve” të Londrës ka vendosur të transferojë në radhët e skuadrës emra të rëndësishëm, në mënyrë që ekipi i tij të rivalizojë kundërshtarët në garën për titull kampion.
