Një bombul gazi që përdorej për gatim ka shpërthyer në një shtëpi në qytetin e Lushnjës. Ndërhyrja e familjarëve dhe ardhja e zjarrfikëseve në kohë ka shmangur që flakët të përhapen në banesë. Në apartament në momentin e zjarrit ndodheshin 5 pjesëtarët e familjes, por fatmirësisht asnjëri prej tyre nuk ka pësuar lëndime. Sipas zjarrfikëseve të Lushnjës, kolaudimi i bombulave shpesh herë neglizhohet nga vetë përdoruesit dhe ata që merren me mbushjen e tyre. Ky është rasti i dytë brenda katër ditëve që ndodh një shpërthim i tillë.
