Edhe në prill për të katërtin muaj radhazi, rritja e përgjithshme e çmimeve ka qëndruar në vendnumëro, duke vulosur kështu rrëshkitjen e ekonomisë në deflacion. Rritja me 0.3% për qind e inflacionit po tregon se vendi po përjeton dobësi të theksuar të konsumit. Kjo tendencë e shoqëruar me rritjen dyshifrore të çmimeve të frutave, janë një barrë e dyfishtë për shtresat më vulnerabël të popullsisë.
Nga hartografia e çmimeve shihet se, tendenca ulëse ka vijuar për shërbimet e transportit, shëndetit, veshjeve dhe këpucëve. Nga ana tjetër disa mallra dhe shërbimeve, si tarifat e arsimit dhe çmimet e frutave dhe zarzavateve janë rritur më shumë se parashikimet e sipërme të Bankës së Shqipërisë (3%).
Depresioni i çmimeve ka vijuar edhe në muajin e katërt të vitit edhe pse Banka e Shqipërisë ka ndërmarrë një politikë agresive drejt uljes së kostos së parasë në minimumet historike. Në muajin prill 2016 ndryshimi vjetor i indeksit të çmimeve të konsumit është 0,3% duke ruajtur pothuajse të njëjtin nivel me muajin e mëparshëm.
INSTAT, në publikimin e tij të fundit tregon se, krahasuar me të njëjtën periudhë të një viti më parë, ndryshimi ishte 2,3%.
Ndikimin më të madh në nivelin e inflacionit të muajit prill e ka “Ushqime dhe pije joalkoolike” me +0,72 pikë përqindje.
Çmimet e grupit “Shërbimi arsimor” kanë kontribuar me +0,19 pikë përqindje. Çmimet e grupit “Qira, ujë, lëndë djegëse dhe energji” kanë kontribuar me +0,10 pikë përqindje. Çmimet e grupit “Pije alkoolike dhe duhan” kanë kontribuar me +0,09 pikë përqindje.
Çmimet e grupeve “Argëtim dhe kulturë” dhe “Hotele, kafene e restorante” kanë kontribuar me nga 0,03 pikë përqindje. Çmimet e grupit “Transporti” kanë kontribuar me -0,33 pikë përqindje. Çmimet e grupeve “Veshje dhe këpucë” kanë kontribuar me -0,09 pikë përqindje.
Çmimet e grupit “Komunikimi” kanë kontribuar me -0,03 pikë përqindje dhe çmimet e grupit “Shëndeti” kanë kontribuar me -0,01 pikë përqindje.
Ndryshimet vjetore të grupeve kryesore:
Krahasuar me muajin prill 2015, rritja më e madhe e çmimeve vërehet në grupin “Shërbimi arsimor” me 4,8% pasuar nga grupi, “Ushqime dhe pije joalkoolike” me 2,0%, grupi “Pije alkoolike dhe duhan” me 1,7%, etj. Brenda grupit të ushqimeve çmimet e nëngrupit “fruta” u rritën me 22,3%, pasuar nga nëngrupi “zarzavate përfshirë patatet” me 6,1%, nëngrupi “vajra dhe yndyrna” me 1,4%, nëngrupi “sheqer, reçelna e ëmbëlsira” me 1,3%, etj. Çmimet e nëngrupit “bukë e drithëra” u ulën me 1,3%, pasuar nga nëngrupet “qumësht, djath e vezë” me 1,1%, “mish” me 0,7 %, etj.
Ndërsa, ulja më e madhe e çmimeve vërehet në grupin “Transport” me 5,3%, pasuar nga grupet “Shëndeti” me 2,5%, “Veshje dhe këpucë” me 2,3%, etj. Ndryshimi mujor i indeksit është – 0,4%. Krahasuar me muajin mars 2016, ulja më e madhe mujore e çmimeve vërehet në grupin “Ushqime dhe pije alkoolike” me 1,1%. Brenda grupit të ushqimeve ulja më e madhe e çmimeve vërehet në nëngrupin “zarzavate përfshirë patatet” me 7,9%.
Ndryshimi mujor i indeksit është – 0,4%
Krahasuar me muajin mars 2016, ulja më e madhe mujore e çmimeve vërehet në grupin “Ushqime dhe pije alkoolike” me 1,1%. Brenda grupit të ushqimeve ulja më e madhe e çmimeve vërehet në nëngrupin “zarzavate përfshirë patatet” me 7,9%
