Klubi spanjoll i Las Palmas konfirmuan si trajner të ri Pako Ayestaran. Lajmin e bëri të ditur vet skuadra në faqen zyrtare, duke bërë të ditur gjetjen e akordit me 54-vjeçarin për 1 sezon, i cili zëvendëson në këtë mënyrë të larguarin Manolo Marquez. Ayestaran nuk drejtonte asnjë klub që pas shkarkimit nga Valencia vitin e kaluar. Ndeshja e radhës do të jetë e vështirë për Las Palmas, që të dielën do të përballet me Barcelonën.
