Pas tre operacioneve që u ndërmorën të enjten, policia greke gjatë një aksioni të ditës së djeshme sekuestroi një tjetër sasi lëndësh narkotike. Mësohet se operacioni u zhvillua në Dhrisko, në aksin e vjetër Janinë-Trikalla, ku u sekuestruan 139 kg e 150 gr marijuanë. Kështu, në total bashkë me drogën e kapur sot, sasia e bllokuar është 300 kg.
Droga, e ndarë në pako, u gjet në një mjet të parkuar në rrugë. Ndërkohë, në kabinë të mjetit u gjet dhe një pako e vogël me 68.8 gr marijuanë. Nga hetimet e policisë, rezulton se mjeti është në pronësi të një 21-vjeçari shqiptar, i cili u shpall në kërkim.
