Basir ÇOLLAKU
Ferdinand Elezi është një nga 7 kandidatët që aplikuan dhe dje u dëgjuan nga Komisioni i Ligjeve, në garën për PPP, Prokuror i Përgjithshëm i Përkohshëm. Ishte kandidati i parë që aplikoi dhe deri ditën e fundit ishte thuajse i vetmi. Por më pas gjashtë prokurorë të tjerë iu shtuan garës. Elezi sipas asaj çfarë shkruhej mediatikisht kishte një lobim nga Durrësi, njerëz të pushtetit dhe paspushtetit. Sigurisht këtu nuk çalon asgjë, sepse lobingjet politike tek ne bëjnë punë më fort se ato profesionale. Ajo që prezantuan prokurorët ishte e ardhmja e asaj që mendojnë të bëjnë dhe telegrafisht e shkuara. A kanë konkurentët e PPP, e cila ngjan me idenë e Ramës Partneritet Publik Privat, mëkate të cilat mund të ndikojnë në punën e tyre?! Mbase. Si kushdo. Kandidati Elezi së paku katër pyetje duhet të mbushte me përgjigje. Cilat janë:
Në vitin 2006 në Tiranë, prokurori Ferdinand Elezi, me mjetin e Prokurorisë me targa TR 2647 K aksidenton Bariq Simakun, shëndeti i të cilit nuk mori për mirë. Eshtë një ngjarje për t’u përmedur në deklarim?!
Prokurori Elezi është goditur, ndaj tij është qëlluar me armë zjarri në Durrës. Pyetja është a ka bërë padi në Prokurori lidhur me këtë ngjarje dhe çfarë arsye, motivi ka prodhuar këtë ngjarje, është kjo për shkak të detyrës?!
Për të shkuar më tej, Elezi si shef Komisariati në Sarandë në vitin 1997 kujt ia dorëzoi detyrën si shef komisariati pasardhësi?!?! Apo bandat e morën vetë të lirë detyrën në Komisariat?
Një tjetër pyetje për të bërë është dhe detyra e komanduar në Korçë. Elezi duke qenë Prokuror Apeli në Durrës është komanduar prokuror për katër muaj në Korçë. Sa i ligjshëm është sa i përket kohëzgjatjes dhe shkallës hierarkike ky komandim në këtë detyrë..?!
