E pyetur nga gazetarët nëse i druhet një përçarje të opozitës për shkak se kryeministri Edi Rama në të gjitha thirrjet ndaj opozitës i është drejtuar kryedemokratit Lulzim Basha dhe jo Kryemadhit, kryetarja e LSI-së e pati të shpejtë përgjigjen.
Kryemadhi është kundërpërgjigjur se e njeh mirë Edi Ramën dhe se si i bën marrëveshjet kryeministri. Gazetarët e pyetën duke patur në mendje një marrëveshje të mundshme Rama-Basha si ajo e 18 majit.
‘Unë e njoh shumë mirë z.Rama, mos u shqetësoni! Është njeriu që kur bën marrëveshje është i jashtëzakonshëm dhe i prish nuk mban marrëveshje. Nuk bën marrëveshje as me familjen e tij.
Unë besoj te transparenca e marrëveshjeve dhe shërbimi ndaj qytetarëve.’, u përgjigj Kryemadhi.
Ndërsa më pas shtoi:
‘Unë jam e bindur edhe sot po të pyesni te tregu i Lali Erit në Baldushk, mund të pyesni fermerët që numri i gjelave është më i vogël. Peleshi mund të thotë që janë importuar nga jashtë…’.
