Manchester City dhe Borussia Dortmund janë shumë pranë finalizimit të marrëveshjes që do ta transferojë mesfushorin turko-gjerman, Ilkay Gundogan në “Etihad Stadium” për 26 milionë euro. Bisedimet mesa palëve kanë nisur që prej shumë muajsh, pasi Pep Guardiola ka kërkuar nga drejtuesit e klubit anglez pikërisht lojtarin e Borussias për të nisur projektin e tij te Manchester City. Fakti që “citizens” kanë nisur të mendojnë për Gundoghan që në muajin mars e ka avantazhuar klubin britanik që arrin të thyejë konkurrencën e Barcelonës dhe Juventusit. 25-vjeçari është një nga mesfushorët më të mirë të Bundesligës, por gjatë viteve të fundit forma e tij është kushtëzuar edhe nga dëmtimet e shumta. Aktualisht, ai vuan nga një dëmtim i rëndë në gju që do ta lejë jashtë Euro 2016. Gundogan nuk ishte pjesë e Gjermanisë as në Botërorin 2014. Rikthimi i tij në stërvitje është parashikuar në fillim të muajit gusht për fazën përgatitore të ekipit anglez. Pas arritjes së marrëveshjes për Gundoghan, drejtuesit e Manchester City do të hidhen në sulm për dy objektivat e radhës, ata janë Toni Kroos dhe Paul Pogba.
