Edhe pak prisni, në skenë do të rikthehet Liga e Kampionëve. Për të përuruar fazat me eliminim direkt do të shërbejë Juventusi, i gatshëm për të pritur Tottenhamin, mbrëmjen e së martës në stadiumin “Allianz”. Një sfidë yjore, që do të ketë në mesin e protagonistëve edhe Harry Kane, qendrën e sulmit të “Spurs”, i cili merr falënderime nga Sami Khedira, i intervistuar nga “BBC Sport”: “Unë mendoj se si është ndoshta sulmuesi më i plotë në qarkullim”. Të martën në mbrëmje, megjithatë, do të ketë vetëm rivalitet në fushë: “Tottenham e ndjek shumë, ka një mbrojtje të mirë dhe mesfushë e sulm të klasit botëror, si dhe një trajner, i cili është ndër më të mirët”. Për të kaluar në raundin tjetër të Champions-it, sigurisht do të ketë shumë djersë: “Një pikë në favorin tonë mund të përfaqësohet nga fakti se ata janë një ekip shumë i ri dhe pa shumë përvojë. Natyrisht, Tottenham mbetet një nga skuadrat më të mira në Angli dhe Europë, ndaj do të duhet t’i kushtojmë vëmendje”.
