Me qepë, djathë e domate, 350 ushtarë të Gardës së Republikës për çdo ditë marrin rrugëne Surrelit për të mbrojtur në një shërbim të gjatë 24 orësh kreun e qeverisë. Prej kohësh vila e tij është në masa të larta të sigurisë. Rama ka rritur masat e sigurisë jo vetëm në banesën e tij, por kudo ku ai kalon në rrugët e vendit si dhe nëçdo takim që ndërmerr. Në takimet politike që zhvillon, njerëzit që futen në këto takime edhe kur ato janë masive dhe zhvillohen në ambjente si pallatet e sportit, njerëzit kontrollohen imtësisht me aparatura dhe më pas lejohen të futen në takim.
Rrugët kur kalon kreu i qeverisë zbrazen plotësisht. Pak ditë më parë, ndërsa kthehej nga Rinasi e gjitha rruga e Autostradës ishte e zbrazur në krahun e hyrjes në Tiranë.
Numri i madh icivilëve që rrethojnë Ramën si në vilën e tij ashtu edhe në të gjitha lëvizjet që kreu i qeverisë bën janë shenjë e njëpaniku të madh që ka mbërthyer Ramën. Ajo që bie në sy është se e gjithë ushtria e rojeve që eruajnë atë janë të veshur civilë dhe të armatosur që u ngjajnë paramilitarëve të dikurshëm të kohës famëkeqe të Serbisë së Milosheviçit.
Qëndrojnë përgjatë gjithë rrugës së Surrelit të vendosur në pozicione të ndryshme dhe madje edhe të ngjitur në kodra për shkak të relievit mjaft të thyer që ka zona. Të veshur keq, ata sikurse duken edhe në foto ushqehen në rrugë. Ish-Kryeministri thotë se kjo ndodh, pasi janë të shumtë dhe nuk kanë se ku qëndrojnë. Numri 350 i këtyre paramilitarëve të armatosur është një shifër e jashtëzakonshme dhe tregon se makthet e kreut të qeverisë janë të mëdha. Ndërsa zullumet e qeverisë rriten poaq rriten edhe masat për të mbrojtur kreun e këtyre zullumeve, icili duket se ka frikë nga populli i vet.
Denoncimi i Berishës
“Po kush ta ndërtoi Surrelin ty? Me çfarë parash e ndërtove Surrelin? E dini që janë 315 gardistë të angazhuar për të ruajtur fshatin Surrel? A e dini se si hajnë të shkretët? Hajnë në stola, s’kanë ku rrinë, por vetë jeton në saraje ky. Vetëm xhami i tavanit i ka kushtuar 170 mijë euro se është super-special. 70 mijë euro ka bërë vetëm pigmenti i bojës së vilës. Një batalion policie ruan rrugën nga Surreli deri në Kryeministri. Se burrë më frikacak, bota ska më të madh se këtë. E patë vetë që u fut në vrimën e miut”, ishte komunikimi i ish-Kryeministrit në Parlament në lidhje me denoncimin e këtyre masave të shtuara të sigurisë për Ramën.
