Zbulohet krimi makabër që ndodhi para një muaji në Vlorë. Policia arrestoi Hysnie Hoxhallarin, nusen e shtëpisë ku një muaj më parë u gjetën të djegur bashkëshorti i saj, Olsi Hoxhallari dhe nëna e tij Salke Hoxhallari. Fillimisht u dyshua se nënë e bir ishin djegur, por pas ekspertizës, policia zbuloi se të dy ishin vrarë (Olsi me goditje sopate, ndërsa nëna e tij e mbytur me tel).
Për ekzekutimin e bashkëshortit dhe vjehrrës së saj, 32 vjeçarja Hysnie Hoxhallari ka pasur edhe një bashkëpuntor.
Kasëm Pirjasi, 26 vjeç nga fshati Strum i Fierit u arrestua nga policia për vrasjen. Marrëdhënia e tij me 32 vjeçaren është ende e paqartë. Policia tha se dy viktimat janë goditur barbarisht, kur kanë qenë në gjumë dhe për të feshur gjurmët autorët i kanë vënë flakën shtëpisë.
Nggjarja e cila fillimisht u dyshua si aksidentale, u zbulua se ishte një vrasje në bashkëpunim. Nusja e viktimës Hysnie Hoxhallari në bashkëpunim me të dashurin e saj Kasëm Pirjasi, kanë dhunuar në banesë Olsi Hoxhallarin dhe nënën e tij S.H dhe më pas i kanë vë flakën shtëpisë për fshehjen e provave.
Të dy autorët vranë në bashkëpunim vjerrën e Hysnies si edhe burrin e saj. Policia ka zbuluar se mes dy autorëve kishte një lidhje jashtëmartesore, e cila dyshohet të jetë edhe shkak për këtë konflikt.
Si gënjeu publikisht autorja e krimit makëber
Pas ngjarjes së ndodhur më 22 janar të këtij viti, ku nënë e bir u gjendën të djegur në banesën e tyre në Vlorë, policia nisi hetimet paraprake. Asokohe u shoqëruan në polici të afërm të tyre. Nisur nga fakti se ekspertiza tregoi se viktimat Salkie Hoxhallari, 73 vjeçe dhe i biri, Olsi 43 vjeç, ishin vrarë para se të digjeshin, në polici u shoqërua edhe gruaja e 43-vjeçarit.
Sipas ekspertizës Olsi Hoxhallari ishte goditur me sëpatë në kokë, ndërsa nëna e tij ishte mbytur me një tel teksa flinin. Në dëshminë e saj para hetuesve të çështjes, gruaja e Olsit, nëna e një djali 3 vjeç, është shprehur se ka qenë me burrin dhe vjehrrën deri pak orë para ngjarjes dhe vetë ata i kanë kërkuar që të shkojë të vërë djalin e vogël për të fjetur.
“Rreth orës 11:30 minuta e lashë tim shoq dhe vjehrrën duke parë televizor dhe kalova në dhomën tjetër për të fjetur. Nuk kam dëgjuar asgjë. Rreth orës 4 të mëngjesit më zgjoi një si zhurmë, shpërthim, pashë tym e flakë dhe thirra menjëherë komshinjtë për ndihmë. Kur shkova, derën e gjeta të mbyllur nga brenda dhe e hapa me forcë. Kur hyra brenda në dhomë, i gjeta të dy pa shenja jete, ndërsa orenditë ishin djegur thuajse të gjitha”, ka dëshmuar Hysnie Hoxhallari, para policisë.
E veshur në të zeza për vdekjen e familjarëve të saj, duke folur për kamerën e “Neës24”, pas ngjarjen ajo tha se donte drejtësi dhe të zbardhej e vërteta.
Por hetimet e policisë treguan se gruaja 32-vjeçare dhe një 26-vjeçar nga Fieri, Kasëm Pirjasi, janë autorë të krimit të ngjarjes.
