Më 27 gushtin e vitit 1998, vetem 2 javë përpara vrasjes së Azem Hajdarit në Tiranë, Ish-Shefi i Shërbimit Informativ Fatos Klosi, përmes një letre drejtuar Ministrit të Brendshëm të asaj kohe Perikli Teta dhe për dijeni Kryeministrit Nano, njofton se në Tiranë do të ketë tentativa për të sulmuar Kryeministrinë. Letra cilësohet sekrete, por ajo është publikuar në FB, nga deputeti demokrat Genc Pollo, i cili përmendet në këtë letër, si njeriu që në Elbasan kishte bërë thirrje për kryengritje të armatosur. Përmes një ironie të lehtë, Pollo sjell këtë dokument duke shkruar: “Dhe unë pyesja veten ato ditë pse kjo lemzë? S’ më shkoi mendja te Fatos Klosi”!
