Franca ka mposhtur me shumë vështirë Rumaninë në ndeshjen e parë të Kampionatit Evropian, ku Dimitri Payet shënoi një gol të bukur në minutën e 89’ për rezultatin përfundimtar 2:1. Ajo që nuk u realizua në pjesën e parë, u bë realitet me fillimin e pjesës së dytë.
Emocione, spektakël dhe 3 pikë në “Stade De France” ku sfida hapëse mes Francës dhe Rumanisë përfundoi me fitoren e bluve 2-1 falë një eurogoli të Payet 2 minuta nga fundi. Euro 2016 dha verdiktin e parë nga Parisi ku nisi rruga magjike e europianit me vendasit nuk zhgënjyen pritshmëritë i dhanë ngjyra ceremonisë madhështore që ndriçoi kryeqëndrën franceze. Magjia e mbrëmjes pariziene startoi zyrtarisht me ceremoninë madhështore. Mijëra njerëz të angazhuar në spektaklin e “Stade De France” i dhanë jetë spektaklit që nxorri në pah vlerat e kombit francez. 200 njerëz nga 36 vende të ndryshme zbritën në tapetin 105 metra të gjatë. Balerinat Can Can i paraprinë kulmit festiv ku David Gueetta performoi live përpara të pranishmëve disa nga këngët më të njohura të repertorit të tij dhe më pas ia la radhën interpretimit të këngëtarës suedeze Zara Larson për hmnin e Euro 2016.
Spektakli ia pasoi stafetën futbollit të luajtur. Franca zbriti në fushë me formacionin klasik 4-3-3 ku Payet-Griezman dhe Giroud u mbështetën në sulm nga Pogba. Gjithsesi, ishte Rumania që tregoi muskujt gjatë minutave të para dhe në minutën e 4, Lloris arriti të bënte mrekullinë me një pritje pothuajse në vijën fatale pas goditjes së Stancu. Franca u zgjua 7 minuta më pas me protagonist Griezmann që e stampo topin në shtyllë. Ballkanasit e imponuan lojën në nivelin fizik për të shkatërruar aksionet e vendasve dhe ia dolën mbanë.
Blutë nuk arritën të ndërtonin lojën, ndërsa Rumania gjeti hapësira të mëdha duke e thumbuar mbrojtjen kundërshtare në disa raste. Në të 36-ën, Payet u shkëput nga e majta për të dhuruar një asist por e majta e Griezmann u devijua nga Sapunaru që rrezikoi autogolin. Minutat deri në fund të kësaj pjese rrodhën me një ritëm të lartë nga të dyja skuadrat, por presioni asfiksues i Rumanisë nkrijoi amulli në radhët e vendasve që hasën në vështirësi të mëdha duke mos e çarë murin ballkanas.
Ishin pikërisht djemtë e Jordaneskut që dolën nga dhomat e zhveshjes me oksigjen për të shpenzuar pasi në të 48-ën, Stancu gaboi të pabesueshmen pasi u shërbye nga Stanciu dhe u gjend i vetëm përballë Lloris. Ky ishte momenti kur Franca nisi provat gjenerale për të gjetur golin pasi në minutën e 57 Pogba u ndal nga Tatarusanu, por ky i fundit nuk arriti të devijonte topin në aksionin pasardhës ku Giroud e dogji në kërcim për të zhbllokuar rezultatin.
Goli i 50 i Francës në ndeshjen numër 50 për sulmuesin e Arsenalit. Kjo rrjetë shërbeu si shkëndijë për të ndezur sfidën pasi Rumania replikoi me një 11-metërsh të fituar nga Stanciu dhe të ekzekutuar nga i njëti autor.
Momente të paqarta për skuadrën e Deschamps i cili nxorri nga fusha Griezmann dhe për Coman dhe Martial por goli erdhi nga këmbët e Dmitri Payet që mori përsipër gjithë peshën e 80 mijë të pranishmëve në “Stade De France” duke shënuar një gol vendimtar.
Një fitore e vuajtur për Francën e talenteve. “Blutë” fitojnë 3 pikë por ridimensionohen pas këtij 90 mintëshi dhe shikojnë drejt Shqipërisë, ndërsa Rumania qan pikën e humbur pas një takimi ku meritoi më shumë se humbja e minutave të fundit.
