Ish-ministri i Brendshëm, Fatmir Xhafaj është rikthyer për herë të parë sot në Kuvend pas dorëheqjes së tij si ministër i brendshëm.
Gjatë gjithë seancës Xhafaj është parë që të qëndrojë i ulur në rreshtin e fundit të sallës.
E megjithatë gazetarët kanë insistuar që ta pyesin ish-ministrin në dalje të Kuvendit, pasi ka ende pikëpyetje lidhur me vendimin e tij, por Xhafaj nuk dha asnjë koment.
“Nuk kam më asgjë për të folur, nuk është faji im që nuk kuptoni”, është shprehur Xhafaj në dalje të seancës plenare, teksa ka nxituar që të hyjë në makinën e tij.
Dy ditë më parë Xhafaj u shfaq në krah të kryebashkiakut Erion Veliaj, duke iu kërkuar qytetarëve një mandat të dytë për të në krye të Tiranës.
