PD publikon videon që nxjerr blof Veliajn: Ja si i shau banorët e “Astirit”

Kryetari i Bashkisë së Tiranës, Erion Veliaj u justifikua se fjalën shpellarë, e kishte përdorur për deputetët e opozitës, por pas kësaj, ka reaguar sërish PArtia Demokratike.
Me anë të një postimi në rrjetet sociale, zëdhënësja e PD-së, Ina Zhupa, ka publikuar një video, në të cilën si shpellarë Veliaj u drejtohet banorëve.
Gjithashtu Zhupa shkruan se kreu i bashkisë ka poshtëruar me sharje qytetarët që e kanë votuar nga njëra anë, ndërsa në anën tjetër, ajo shton se Veliaj po përpiqet t’i blejë ata përmes oligarkëve.
Postimi i Zhupës
Ne cdo vend te botes demokratike qytetaret kane te drejte te kritikojne qeveritaret e tyre, edhe ti shajne ata kur nuk ju pergjigjen premtimeve dhe detyrimeve qe kane kur zgjidhen me vote. Ndersa ne diktatura qeveritaret kritikojne qytetaret e tyre dhe i arrestojne kur nuk ju pergjigjen vullnetit te partise.
Kryemashtruesi i Tiranes Erion Veliaj, i cili prej 15 ditesh nuk pranon te takoj banoret, ka zgjedhur ti shaje ata, ti ofendoj, ti bej presion dhe bashke me policine qe duan, ti arrestojne ata. Ne video jane dy reagimet me sharje te kryebashkiakut Erioni Betoni per votuesit e tij, per banoret e qytetit, nga shpellar tek nazist.
Nuk pyet per te drejtat kushtetuese dhe ligjore te qytetareve sepse eshte i bindur se me oligarket ne krah mund te blej cdo zgjedhje. Por e ka gabim, qytetaret do triumfojne ne te drejtat e tyre. Tirana e do zhvillimin por jo permes korrupsionit, klientelizmit, shperfilljes se te drejtave ligjore te qytetareve te saj. Erion Veliaj nuk eshte kryebashkiaku qe meritojme.