Takimi i kryeministrit Edi Rama me studentët dhe pedagogët në Universitetin e Vlorës nuk ka shkuar ashtu siç e priste kreu i qeverisë.
Studentët e pritën me revoltë Ramën dhe janë tubuar sërish duke e përcjellë me protesta. ‘Studentët do të fitojnë, studentët do fitojnë’, ishin thirrjet e studentëve ndaj Ramës, i cili iku me ‘bisht ndër shalë’ nga bashkëbisedimi në Universitetin e Vlorës.
Kryeministri fillmisht u prit me protesta nga studentët, ndërkohë që një pjesë e madhe prej tyre braktisën takimin duke refuzuar që të dialogojnë me të.
Por dhe studentët të cilët ishin të pranishëm në sallë, nuk hezituan që t’i drejtojnë pyetje nga më të ndryshme kryeministrit, duke filluar që nga pasuria, shtëpia në Surrel, ndërkohë që një prej tyre e akuzoi si mashtrues.
Kujtojmë se studentët e Universitetit të Vlorës i kanë bërë suprizën më të hidhur të këtyre kohëve kryeministrit Rama.
Pas protestës që bënë në oborrin e Universitetit, ata kanë marrë fjalën dhe kanë thënë se ky takim është farsë duke u larguar më pas nga salla.
Disa prej studentëve madje thonë se janë dhunuar fizikisht nga vetë kryeministri Rama, i cili e humbi për disa çaste durimin.
