Puçrrat e mahisura dhe të kuqe nuk duhet të preken. Nganjëherë këto puçrra mund të shtrydhen, por ju mund t’i zhytni ato më thellë, çka sjell formimin e cisteve, e kjo është tejet serioze.
Puçrrat me kokë të zezë apo të bardha mund të hiqen me ndihmën e një mjeti të veçantë (shitet në barnatore). Edhe thonjtë të mprehtë janë, por me to duhet vepruar me shumë kujdes dhe patjetër t’i mbështillni me copë të pastër, për të mos dëmtuar lëkurën.
Kurimi i akneve të formës së lehtë
* Përdorni rregullisht skrab (lloj kremi me kokrriza). Kjo shmang taposjen e gjëndrave të dhjamit.
* Mos përdorni kremra me strukturë të dendur. Ato bllokojnë gjëndrat e dhjamit.
* Ushqehuni mirë dhe me masë. S’është puna, se ushqimi i yndyrshëm shkakton formimin e puçrrave. Por nëse ushqeheni mirë, do të forconi sistemin e imunitetit, i cili më tej mund të luftojë sëmundjet e lehta infektuese të lëkurës. Forcojeni sistemin imun dhe ai do t’ia dalë vetë me puçrrat.
* Përdorni losione dhe mjete të tjera me përmbajtje peroksidi. Kjo lëndë asgjëson bakteret dhe ngop lëkurën me oksigjen. Pas përdorimit të tij lëkura mund të thahet pak, mund të shfaqen skuqje. Ai nuk vepron thellë, por ndihmon në mbajtjen nën kontroll të puçrrave.
* Përdorni losione dhe mjete të tjera me përmbajtje acidi glikolik. Ai ka veprim kundër mahisjes, heq skuqjet, i bën puçrrat më pak të dukshme.
* Në rast nevoje të skajshme mund ta lagni puçrrën dhe t’i hidhni pluhur aspirine. Aspirina ka efekt antimahisje dhe largon skuqjen. Por është më pak efektive se kremi i veçantë.
