Klasa politike e këtyre viteve nuk ka qënë dhe aq e larmishme në figura apo në qasje të reja. Prej pothuajse 34 vitesh Shqipërinë e kanë qeverisur pothuajse pak njerëz, por mund të cilësojmë se tre prej tyre kanë qënë më dominantët duke marrë dhe mbajtur pozicionet kyçe në vend.
Edi Rama, Sali Berisha dhe Ilir Meta kanë qeverisur Shqipërinë duke bërë ligje, marrëveshje dhe një shtet siç atyre ju ka leverdisur.
Prej tyre sot ende në Shqipëri flitet për tranzicionin e gjatë që përjeton ende Shqipëria, ku emigracioni dhe korrupsioni janë dy pikat që njohin vetëm rekorde negative.
Edi Rama pothuajse ka që nga 1998 që mban një karrige pushteti, duke e nisur si ministër i Kulturës (1998-2000), e më pas 3 mandate në krye të bashkisë Tiranë. Prej 2013 ai mban postin e kryeministrit dhe synon mandatin e katërt.
Pushteti i Edi Ramës i shtrirë në kohë pothuajse zgjat 27 vjet deri në mbarimin e mandatit aktual.
27 vite dhe pretendon ende se ka diçka për të bërë ndryshe, kur ndërkohë ka qënë ai shefi i Saimir Tahirit, Ilir Beqajt, Arben Ahmetajt, Vangjush Dakos, Alqi Bllakos, Lefter Kokës e Jurgis Çyrbes.
I fundit Sali Berisha, president dhe kryministër i vendit. Pothuajse aktivi prej 1991 e deri më sot. I ndodhur nën hetim nga SPAK dhe me masë sigurie arrest shtëpie, Sali Berisha drejton sot Partine Demokratike dhe synon sërish pushtetit. Ai ka pasur pushtet në 1992-1997 dhe 2005-2013, pra pothuajse 13 vite.
Nëse do ti bashkonim vitet e tre personazheve kryesore të politikës ato do të shkonin rreth 50 vite, po aq sa Shqipëria vuajti në terrorin e diktatorit.
E po ta shohim me këtë sy kryeministrat e pas viteve 90 janë pothuajse të gjithë me akuza. Po të heqim Pandeli Majkon dhe Bashkim Finon që ishin kryeministra të përkohshëm të tjerët kanë pasur tjetër qasje me drejtësinë.
Nano u arrestua dhe bëri burg, Berisha është person nën akuzë dhe Ilir Meta ndodhet në burg, e ndoshta Edi Rama i frikësohet thyerjes së kësaj tabuje, pasi po të lidhje direkte me inceneratorët, chek-up e afera të tjera me siguri e pret një mega hetim i madh. /Alfapress.al
