Anësori i Real Sociedadit, Adnan Januzaj nuk është penduar që e ka braktisur Manchester Unitedin.
Mesfushorit ka shkuar në klubi spanjoll dhe ky veprim i ka sjell edhe ftesë prej kombëtares belge.
Megjithëse ishte i lumtur te skuadra angleze, por me ardhjen e Louis Van Gaalit si trajner, ai humbi shkëlqimin dhe u detyrua të largohet prej Djajve të Kuq.
“Unë u rrita te United, isha vërtet i lumtur derisa një vit pata një luftë të madhe me menaxherin dhe kjo më ngadalësoi. Unë gjithmonë e dija se kisha cilësi. Problemi ishte se nuk luaja dhe sa herë që hyja nga banka rezervë, ishte e vështirë të ndryshoja lojën ose të bëja diçka. Kjo gjë e bën më të vështirë për ju”.
“Për shkak se ju jeni një lojtar i cili mund të bëjë ndryshime, të shënojë gola dhe mund ta imagjinoni nëse menaxheri nuk ju jep besimin, kjo bëhet edhe më e vështirë për ju sepse nuk e dini çfarë të bëni: të sulmosh apo të luash thjeshtë”.
“Morra shumë kritika, por, për mua, nuk është problem sepse kurrë nuk e shikoj atë. Unë vazhdoj të bëj gjërat e mia dhe tani jam në një kampionat tjetër, jam i lumtur”, pohoi futbollisti shqiptar, i cili nuk kishte pranuar të luante për përfaqësuesen e Kosovës.
Ndryshe, 24-vjeçari deri më tani ka pasur 47 paraqitje për klubin spanjoll dhe ka realizuar katër gola në të gjitha garat.
