Tre persona janë vrarë nga shpërthimi i një bombe në Afganistan, teksa po mbahej një tubim i një ish-komandanti afgan. Të paktën edhe tetë persona janë plagosur nga ky shpërthim. Ish-komandanti Gulbuddin Hekmatayar, nuk ka pësuar lëndime nga ky shpërthim, i cili ka ndodhur rreth 10 minuta pasi tubimi ka përfunduar në qytetitin Jalalabad, ka njoftuar zëdhënësi i guvernatorit provincial, Attahullah Khogyani. Hekmatyar, i cili ka shërbyer si kryeministër për një periudhë gjatë luftës civile në vitet 1990, në vitet e fundit ka qenë në aleancë me talebanët. Ai është kthyer në Kabul vitin e kaluar, pasi ka arritur një marrëveshje të paqes me qeverinë afgane. Asnjë grup nuk ka marrë përgjegjësinë për shpërthimin.
