Një aksident i trefishtë është regjistruar mëngjesin e sotëm në rrugën Lezhë-Milot.
Burime bëjnë me dije se në aksident është përfshirë një autobus transporti nxënësish dhe dy automjete.
Ngjarja ka ndodhur pranë kryqëzimit të Rrilës. Për fat të mirë, nuk ka persona të lënduar, dhe nxënësit kanë vijuar rrugën me mjete të tjera transporti.
Policia mbërriti menjëherë në vendngjarje dhe po vijojnë hetimet për të zbardhur shkaqet e aksidentit.
