Reshjet e dëborës janë ndëprerë mbrëmjen e kaluar në Bulqizë, duke ja lënë vendin ngricave.
Rënia e temperaturave deri në – 7° celsius ka bërë që të ketë prani të akullit në rrugën e Arbrit në afërsi të tunelit të Qaf Buallit.
Drejtuesit e mjeteve janë gjetur të papërgatitur mëngjesin e kësaj të marte duke bërë që të bllokohen në hyrje të tunelit.
Mungesa e ndërhyrjes me kripë nga ana e firmës kontraktore ka sjellë akull duke bërë që qarkullimi të bllokohej për më shumë se një orë.
Është dashur që drejtuesit e automjeteve të ndihmojnë njëri – tjetrin që të vijonin udhëtimin drejt destinacionit të tyre.
