Kandidati për deputet në Tiranë nga Koalicioni Euroatlantik, Armend Gjana, ka shpërndarë një mesazh për qytetarët, duke u kërkuar atyre të mbështesin ndryshimin e vërtetë përmes votës së tyre.
“Vetëm vota për numrin 4 dhe për Koalicionin Euroatlantik është vota e sigurt:
• për të luftuar korrupsionin,
• për të mbështetur SPAK-un,
• dhe për të ndërtuar një të ardhme më të mirë për Shqipërinë,” – deklaron Gjana.
Ai e bën të qartë se zgjedhja nuk është vetëm politike, por edhe morale. Me tone të qarta dhe pa ekuivok, kandidati i Koalicionit Euroatlantik paralajmëron se vota për alternativa të tjera mund të shkojë në drejtim të gabuar:
“⛔ Nëse voton numrin 1, fatkeqësisht voton për të nxjerrë nga burgu Ilir Metën.
⛔ Nëse voton numrin 5, voton që paratë e qytetarëve të shkojnë te shokët e Ramës te 313.”
