Lëvizja Socialiste për Integrim ka shprehur rezerva dje në lidhje me deklaratat e ambasadorit Lu mbi uljen e palëve në emërimin e kryeprokurorit të ri. Përmes një reagimi në rrjetin social Facebook, Petrit Vasili deklaron se asnjë pazar nuk mund të bëhet në kurriz të Kushtetutës. “Reforma në drejtësi ecën përpara vetëm duke zbatuar Kushtetutën dhe ligjin tashmë të reformuar. Kjo na duhet! Kompromisi politik, që zhbën Kushtetutën dhe ligjin, s’mund të jetë pazari i radhës, qoftë ky i bërë në shqip apo anglisht. Ky nuk na duhet!”, shkruan Petrit Vasili duke iu përgjigjur deklaratave të bëra nga ambasadori Donald Lu.
