Atalanta që tashmë e ka siguruar pjesëmarrjen në Europa League sezonin e ardhshëm po mendon për përforcimet pavarësisht se lojtarët e saj më të mirë kërkohen nga klubet e mëdha. Drejtuesit i kanë vënë syrin Josip Iliçiç të Fiorentinës, i cili ka një kontratë deri në vitin 2018 dhe tashmë ka dhënë “Ok” për këtë transferim. Slloveni nuk ka luajtur rregullisht këtë sezon në Firenze dhe me zikaltërit do të rigjente edhe Europën.
