Qendra stërvitore e Manchester United është si një morg me atmosferën që është më e rënda që pas ardhjes së Mourinho-s. Djajtë e Kuq humbën ndeshjen e parë të sezonit të Premier League, duke pësuar një disfatë 2-1 ndaj Huddersfield. Edhe paraqitjet e United këtë sezon kanë qenë nën mesatare, duke barazuar me Liverpool dhe duke fituar “me zor” ndaj Benfica-s. Një i brendshëm në Carrington Complex ka zbuluar se si yjet e ekipit po kalojnë një periudhë të vështirë.
Gjithashtu, kuptohet se një numër i madh i lojtarëve të ekipit të parë janë të mërzitur me komentet e Mourinho-s rreth PSG. “Atmosfera e qendrës stërvitore është më e rënda që kur ka mbërritur Jose”, shprehet një burim i afërt me klubin. “Ka diçka që nuk shkon. Mbase komentet rreth PSG, dhe se nuk do të qëndronte për një kohë të gjatë kanë ndikuar. Lojtarët kanë qenë shumë të heshtur që nga ndeshja ndaj Liverpool. Gjendja është përkeqësuar pas humbjes ndaj Huddersfield. Pa prezencën e Pogba gjërat nuk priten të ndryshojnë. Kantina duket si një morg dhe ka një ndjesi që trajneri është gati të marrë masa”, u shpreh ai.
Jose Mourinho ishte shumë i inatosur pas humbjes së Manchester United ndaj Huddersfield, dhe këtë ia bëri të qartë edhe lojtarëve për të parën herë. Unitet u mund nga skuadra e porsa futur në Premier League të shtunën dhe tani është pesë pikë larg kryesuesve të Manchester City. Mourinho ishte aq i zemëruar nga paraqitja sa që ka hedhur xhupin në tokë gjatë momentit të furishëm në dhomat e zhveshjes.
Ishte hera e parë pas 65 viteve që Huddersfield mundi United, duke i dhënë fund ecurisë pozitive të Djajve. Pas ndeshjes, Mourinho ia bëri të qartë lojtarëve se si ndihej, në mënyrën më të ashpër të mundshme, për të parën herë që kur është ulur në stolin e United në maj të 2016.
Sipas shtypit anglez, Mourinho ka sulmuar lojtarët e prapavijës, megjithëse, si për çudi, Lindelof i ka shpëtuar furisë së trajnerit. Lindelof zëvendësoi të dëmtuarin Jones në minutën e 23-të, por ishte gabimi i tij që çoi te goli i dytë i kundërshtarëve. Por Mourinho e kishte me veteranët e ekipit. Trajneri e tregoi inatin e tij edhe publikisht në konferencën për shtyp.
Performanca e dobët e Manchester United në stërvitjen e fundit, kishte lënë të shqetësuar trajnerin Jose Mourinho, përpara humbjes 3-1 ndaj Huddersfield. Mourinho shprehu shqetësimet dhe dyshimet e tij gjatë konferencës për shtyp të dhënë të premten, teksa kishte deklaruar: “Ne do të humbasim ndeshje dhe unë e imagjinoj tani se do të marrim edhe më shumë kritika se sa kemi marrë deri tani, por sinqerisht ska problem”. Mungesa e kthjelltësisë në stërvitje rezultoi me Mourinho që paralajmëroi ekipin e tij për një hap fals potencial.
