Banorët e Krujës protestuan sot para bashkisë. Ata kërkojnë të dinë se kur do të nisë rindërtimi i banesave të dëmtuara nga tërmeti i 26 nëntorit, pasi siç shprehen, po bëhet gati një vit që jetojnë në çadra ose shtëpi që rrezikojnë të shemben.
Kruja është një prej bashkive më të goditura nga tërmeti i 26 nëntorit, ku qindra familje humbën shtëpitë.
Në një vendim të korrikut, qeveria bëri të ditur se, ka alokuar 2 milionë euro për rindërtimin në Krujë, por ende nuk ka nisur puna për ndërtimin e shtëpive dhe infrastrukturës shoqëruese.
