Banorët e Povelçës në njësisë administrative Dërmënas të bashkisë Fier, vuajn mungesën e ujit të pijshëm. Ditën e sotme ata kanë zhvilluar një protestë për këtë shetësim dhe në mbështetje të tyre ishte kryetarja e degës së demokratëve euroatlantik në Fier, Eriselda Çelaj. Ajo është shprehur se në këto temperatura përvëluese dhjetra familje nuk furnizohen me ujë të pijshëm.
Çelaj gjithashtu shprehet se e rëndë është situata edhe për blegtorët e këtij fshati, për shkak të mungesës së ujit në kanalet vaditëse. Sipas saj, para disa muajsh banorët denoncuan ndotjen me mbetje organike dhe kimike të kolektorit të Darzezës dhe si hakmarrje bashkia i lë pa ujë të pijshëm.
Postimi i plotë i Eriselda Çela:
Në pikun e vapës pa ujë!
Protestojnë banorët e Povelçës të Njësisë Administrative Dërmënas.
Të braktisur plotësisht nga qeverisja lokale e Fierit, paguajnë taksa e tarifa e nuk marrin shërbime.
Në këto temperatura përvëluese dhjetra familje nuk furnizohen me ujë të pijshëm.
E rëndë është situata edhe për blegtorët e këtij fshati, për shkak të mungesës së ujit në kanalet vaditëse, nuk kanë asnjë alternativë për të shpëtuar nga etja krerët e të imtave.
Disa muaj më parë denoncuan ndotjen me mbetje organike dhe kimike të Kolektorit të Darzezës.
Denoncuan derdhjen e mbeturinave të stallave dhe thertoreve, biznese pranë Kryetarit të Bashkisë Fier.
Për këtë u penalizuan madje duket se pushteti po hakmerret duke i lënë në pikun e vapës pa ujë.
Fokusi i Rilindjes së korruptuar është propaganda shumë ngjyrëshe, shpopullimi i vendit, zbrazja e kësaj zone, ua vështirësojnë jetesën qëllimisht, interes për ta janë “Panelet Fotovoltaik”.
U bëj thirrje, Kryetarit të Bashkisë Fier, drejtuesve të Drejtorisë Rajonale të Ujësjellësit Fier dhe Drejtorisë së Ujitjes dhe Kullimit Fier të reagojnë në mënyrë urgjente për të ndalur këtë maskaradë (lënia pa ujë, nevojë jetike, njëjtë si abuzimi ndodhur tek Onkologjiku).
Ne kemi qënë e do të vazhdojmë të jemi në mbrojtje të interesit të qytetarëve, zëri i tyre, ti dalim përballë çdo vendimmarrje abuzive, të gabuar e të padrejtë, ti dalim përballë të keqes që ka kapluar vendin!
Qytetarët Meritojnë më Shumë!
Fieri Meriton më Shumë!
Shqipëria Meriton më Shumë!
