Banorët e prekur nga tërmeti i datës 26 nëntor që janë strehuar nëpër hotele, më datën 6 janar duhet të largohen dhe të gjejnë një shtëpi më qira për të banuar.
Në kamerat e Fax News banorët shprehen se, nuk dinë ku të strehohen, ndërkohë që ende nuk kanë marrë asnjë lek.
“Kam shtëpitë e mia unë dua ti rreguloj. Këto paret e mia shkojnë sa andej këtej dhe asnjë lek nuk po më bie në dorë. Jam dhe invalide. Vijmë vërdallë kot pa marrë asnjë lek”, u shpreh një banore.
“Unë s’kam para, as për ta riparuar. Kurrkund nuk kam marrë asnjë lek. Na kanë thënë me marrë qira si bonus. Nuk e di për shtëpinë a na japin a nuk na japin. Jam shumë e stresuar”, u shpreh një tjetër.
