Televizioni i revistës franceze “L’Equipe” ka zbuluar në një dokumentar që fati i Kylian Mbappe mund të ketë qenë shumë i ndryshëm nga ai që ne tashmë e dimë. Sulmuesi francez arriti te PSG-ja në formë huazimi verën e këtij viti, me një opsion për t’u blerë rreth 180 milionë euro. Megjithatë, Real Madridi dhe Barcelona kanë qenë në gjurmët e tij, duke u përpjekur ta rrëmbejnë atë deri në minutën e fundit, kur Monaco nuk kishte dhënë ende dritën jeshile, në mungesë të një dite për ta mbyllur merkaton e transferimit (klubet spanjolle kishin diferencë me një ditë për të nënshkruar me lojtarët).
Pagesa e klauzolës së përfundimit të kontratës së Neymar e kishte vënë në vështirësi ekonomike PSG-në për përballimin e blerjes së Mbappe dhe respektimit të “Fair Play Financiar” (më 1 shtator, UEFA njoftoi se do të hetojë ekipin parizien për këtë çështje). Monaco, e vetëdijshme se operacioni mund të dështonte në qoftë se PSG-ja nuk kishte likuiditet, ka kërkuar alternativa të tjera, ndaj dakordoi parimisht me Barcelonën. Klubi katalanas, madje, zbulohet se kishte arritur një marrëveshje për një shumë të hollash, por nuk ka dhënë shifra.
Përveç kësaj, në operacion ishte përfshirë edhe turku Arda Turan, i cili më në fund nuk mori asnjë “dalje” nga Barcelona merkaton e verës. Drejtuesit e Monacos kishin planifikuar që avioni të ulej në Boruget, futbollisti të bashkohej me klubin katalanas (Barça tashmë kishte punësuar Dembele) dhe të nënshkruante marrëveshjen. Mirëpo, PSG-ja, më në fund, gjeti një formulë që bindi klubin Monegasque, huazim me opsionin e blerjes. Ama, Mbappé ishte bërë gati për t’u transferuar te Barcelona.
