Është zyrtare. Barcelona njoftoi të enjten nënshkrimin e saj me Yerry Mina për pjesën e mbetur të sezonit dhe pesë të tjerë të tillë. Barça do të paguajë Palmeirasin 11.8 milionë euro për “centralin” kolumbian, i cili do të ketë një klauzolë largimi nga katalanasit prej 100 milionë eurosh. Yerry Mina do të nënshkruajë deri më 30 qershor 2023, kohëzgjatje e njëjtë e kontratës si braziliani Coutinho. Çdo gjë tregon se Mina do të zërë vendin e lirë që Mascherano do të lërë në këtë merkato dimërore.
Yerry Mina ka lindur më 23 shtator 1994 (Guachené, Kaukaz, Kolumbi) dhe arrin te Barcelona për të përforcuar boshtin e mbrojtjes. Ai do të ndikojë për mirë në luftën ajrore, falë gjatësisë prej 1.95 metrash. Falë fizikut të tij imponues, Mina është edhe një shënues qendror. Në 49 ndeshje me Palmeiras, ai ka shënuar 9 gola. Në sezonin e tij të parë me ekipin brazilian, Mina u zgjodh qendra më e mirë e kampionatit brazilian, ndërsa në vitin 2017 ishte më i miri i “Kampionatit Paulista”.
