Që kur Luis Enrique deklaroi se do të largohet në fund të sezonit nga Barcelona, të shumta kanë qenë spekullimet se kush do të jetë pasuesi i tij në stolin e katalanasve. Një prej emrave të përfolur është edhe ai i trajnerit të Athletic Bilbao, Ernesto Valverde. Megjithatë te blaugranat kanë reaguar rreth këtyre zërave, duke mohuar kategorisht çdo lajm të këtij lloji. Barcelona përgënjeshtroi gjithashtu se sekretari teknik, Robert Fernandez, ka kontaktuar me Valverde.
