Barcelona mendon për të ardhmen. Klubi katalanas ka shënjestruar talentin 18-vjeçar të Bajern Munich, Timothy Tillman. Lojtari gjerman ka spikatur për cilësitë e tij teknike dhe vizionin e tij të lojës dhe për këtë arsye ka tërhequr vëmendjen e blaugranave, por jo vetëm. Për Tillman interesohet edhe Man. United, Real dhe Atletico Madrid. Gjithsesi Barcelona është klubi i parë që ka paraqitur ofertë për Tillman, por që është refuzuar nga bavarezët, që nuk duan të privohen nga talenti i tyre.
