Kreu i PD, Lulzim Basha reagoi ashpër dje në lidhje me vendimin e Bashkisë Tiranë për rritjen e çmimit të ujit. Përmes një reagimi në rrjetin social Facebook, Basha e ka cilësuar këtë akt si një veprim kriminal të Ramës dhe Veliajt. Basha u bëri thirrje këshilltarëve të djathtë demokratë të votojnë kundër vendimit.
“Rritja e çmimit të ujit të pijshëm është veprim kriminal ndaj qytetarëve i Ramës dhe Veliajt. Është një tjetër rekord i një qeverie thellësisht antipopull. Pasi harxhoi më shumë se 500 milionë euro të parave publike për fasada dhe luks, Edi Rama u kujtua se qytetarët e Tiranës nuk kanë ujë. Për të kompensuar keqmenaxhimin dhe vjedhjen në ujësjellësin e Tiranës, Edi Rama përmes Erion Veliajt ka vendosur të dënojë qytetarët duke jua faturuar atyre koston e keqqeverisjes së tij. Partia Demokratike do të votojë nesër kundër këtij vendimi antipopullor dhe ju bën thirrje të gjithë këshilltarëve të tjerë bashkiakë të votojnë për interesat e qytetarëve që ata përfaqësojnë dhe jo të dyshes Rama e Veliaj”, shkruan Basha në reagimin e tij.
