Kreu i PD, Lulzim Basha edhe sot nga Mati deklaroi, se shumica e kandidatëve të zgjedhjeve moniste të Edi Ramës, duhet të ishin në burg për shkak të vjedhjes së votave.
Sipas tij pjesa më e madhe e kandidatëve sot duhet të ishin ose të pandehur ose në burg.
‘Hajduti banditi krimineli nuk kanë dinjitet, as Rama që është kreu i bandës. Beteja e tij ka qenë që të sakrifikojë qytetarët shqiptarë, për pushtetin dhe pasurinë e tij. Për pushtetin dhe pasurinë e tij bëri paktin me krimin, shkatërroi institucionet, shkatërroi kushtetutën.
Ai ka vënë kandidatë bashkie, njerëz si Agron Malaj, që sot duhet ishte prapa hekurave për dosjen 184. Sot shumica e kandidatëve të Rilindjes sot duhet të ishin prapa hekurave vetëm për dosjen 184’, tha Basha.
