Kryetari i Partisë Demokratike, Lulzim Basha gjatë takimit me 300 studentë europianeë të EDS (European Democratic Studentes), u shpreh se me ardhjen e PD në pushtet do të ketë taridfa zero për studentët.
“Ne do t’i japim fund kësaj gjendjeje, tha Basha në fjalën e tij, lidhur me problemet e rinisë shqiptare, jo thjesht e vetëm se jemi partia që e krijuan studentët, se pa rininë shqiptare të mirëarsimuar, nuk mund të ketë Shqipëri europiane, ndaj prioriteti i PD është arsimi i lartë, për të cilin do të dyfishojmë buxhetin dhe do të bëjmë të mundur që asnjë i ri të mos mbetet pa studiuar për shkak të vështirësive ekonomike.
Do të zerojmë tarifën për “bachelor” dhe “master” për 90% të studentëve që vijnë nga familje me të ardhura nën 640 mijë lekë të vjetra në muaj, do ta financojmë direkt nga buxheti dhe do ta përgjysmojmë për pjesën tjetër që vjen nga familje më të ardhura mbi 640 mijë. Do të përdorim çdo vit mbi 30 milionë dollarë për rinovimin e shpejtë të infrastrukturës së studentëve, laboratorë, konvikte…
Me respektin më të thellë dhe shpresën më të madhe për energjinë, vizionin dhe kurajon e studentëve shqiptarë, dua të deklaroj fare hapur: misioni im, misioni i lidershipit aktual të PD, është të shtrojë rrugën që Shqipëria europiane të qeveriset dhe të jetë në duart e rinisë shqiptare.
Na ndihmoni në këtë mision, sepse rruga ëhstë plot sfida, por e vetmja që na çdo drejt Europës.
Unë vetë kam studiuar në Holandë kur isha i ri dhe kam pasur – i ri jam akoma – po para pak vitesh, dhe kam pasur shansin, privilegjin e rrallë jo thjesht të përfitoj nga cilësia europiane e mësimdhënies, por të induktohem me vlerat e bashkëjetesës demokratike”.
