Kreu i Demokratëve Euroatlantikë, Lulzim Basha, shprehet se bllokimi i propozimeve për heqjen e imunitetit dhe Vetting-un e politikanëve në Kuvendin e Shqipërisë, ë shtë tregues se “Trekëndëshit të Bermundës”, nuk duan që politika të pastrohet.
Basha e quajti këtë një pengesë për ndarjen e politikës nga krimi, ndë rsa për Demokratët Euroatlantikë është një prioritet për të mirën e qytetarëve.
Postimi i Lulzim Bashës:
Parlamenti i Shqipërisë nuk mund të jetë i Çyrbeve të Edi Ramës, as strehë për ata që i fshihen drejtësisë. Bllokimi në Kuvendin e Shqipërisë i propozimeve për heqjen e imunitetit dhe Vetting-ut të politikanëve, është tregues se Edi Rama dhe brinjtë e tjera të Trekëndëshit të Bermundës, nuk duan, që politika të pastrohet dhe moçali i pistë i bashkëjetesës së tyre të thahet. Ndarja e politikës nga krimi dhe simbolet e korrupsionit 34 vjeçar, është një prioritet për Demokratët Euroatlantikë, ndaj dhe ne nuk heqim dorë nga iniciativat tona në shërbim të interesit publik dhe në zgjedhjet e ardhshme, do të kërkojmë mbështetjen e qytetarëve, për t’i sjellë në jetë ato me votën e tyre, për ndryshim.
Zbardhja e videos:
Kam kërkuar që hetimi i pasurisë të bëhet për çdo politikan, për politikanët, për familjarët e tyre, për rrethin e tyre shoqëror dhe për kontaktet e papërshtatshme. Dhe ju kam ofruar Trekëndëshit të Bermudës që të pranojnë ligjin për vetting-un e politikanëve, që javën e kaluar mbushi vitin në Kuvend, dhe unë jam gati si gjest personal të jem i pari të kaloj në sitën e vetting-ut politik.
Por siç e keni parë, kjo është një nga ato pika të takimit të Trekëndëshit të Bermudës, ku bëjnë sikur zihen për gjithçka por rakordohen për ato çështje që mbrojnë interesat e tyre personale dhe interesat e tyre politike. Megjithatë, besoj se nuk do të jetë e largët dita kur vetting-u i politikanëve do të jetë realitet dhe ku do të bëhet shumë e vështirë pse jo e pamundur për njerëz ose të botës së krimit, ose të mbështetur nga bota e krimit, ose të korruptuar, ose “prestanome” të korrupsionit politik dhe administrativ, që ta shohin politikën siç e shohin sot, si një strehë nga Drejtësia. Dhe jam i bindur që Parlamenti i ardhshëm do ta ketë prioritet në kalendarin e vet si heqjen e imunitetit për parlamentarët, ashtu edhe kalimin e ligjit për vetting-un politik, i cili përfundimisht do t’i heqë mundësinë çdo sharlatani, çdo kujt që e ka mizën nën kësulë, të përdorë retorikën dhe jo ligjin për të goditur korrupsionin kudo qoftë ai.
