Nga Xhelal MZIU
Prej dy ditësh Bashkia e Dibrës ka urdhëruar policinë bashkiake dhe atë rrugore të largojnë nga stacionet të gjithë furgonat.
Urdhëri nuk është vetëm për 3 firmat që bëjnë transportin urban ndërqytetas, por edhe ato të fshatrave.
Me një urdhër Bashkia i çon dajës së Ulsi Manjës, të gjithë furgonët që hyjnë dhe dalin në Dibër, në terminalin privat të ndërtuar nga ai vetë.
Po çfarë ndodh!
Së pari shoferët e furgonëve do të shkojnë në një ambjent , tek ish/ tregu i gjësë së gjallë, një vend që nuk plotëson asnjë kriter për të qenë terminal.
E dyta, pasagjerët do të duhet që përveç biletës të paguajnë edhe një biletë urbani për të shkuar apo për tu kthyer nga terminali.
E treta, pasagjerët që kanë çanta, valixhe apo thasë me prodhimet e tyre, do t’u duhet të paguajnë taksi për të shkuar tek furgoni.
E katërta, pjesa më e madhe e pasagjerëve që frekuentojnë qytetin janë nxënës shkollash, të cilët mezi përballojnë biletat, e jo më të paguajnë edhe urbanin.
E pesta, se për çdo hyrje çdo mjet që çon pasagjerë apo bagazhe, duhet të paguajë 100 lekë për hyrje në terminalin privat.
E gjashta, se çdo furgon do të paguajë 400 lekë për qëndrimin në stacion.
Të gjitha këto do të sjellin shumë anomali në transportin urban qytetas dhe ndërqytetas.
Do të rritet çmimi i biletës!
Do të shtohen shpenzimet e urbanit!
Do t’i largohet shërbimi qytetarit!
Ndërsa do të fitojë vetëm Privati që ka ndërtuar terminalin, sekserët e Bashkisë, dhe ato që janë të lidhur me ta.
Kjo është hakmarrja që Rilindje ka vendosur ti bëjë Dibrës dhe Dibranëve për shkak të urrejtjes që ka si pasojë e humbjes së thellë që i dha asaj.
