Kandidati për bashkinë Tiranë Roland Bejko, takim me banorët në Shtish- Tufinë, kemi një plan konkret për eliminimin e trafikut në Tiranë.
Ndalesa e kandidatit të partisë Demokratike Roland Bejko ishte në zonën e Shtish- Tufinës, duke dëgjuar problemet kryesore që kanë banorët e kësaj zone. Një nga shqetësimet kryesore që kanë banorë është trafiku i rënduar që ju shkakton kosto të larta financiare por edhe kohe. Bejko tha se në program janë pika konkrete që do të sjellin eliminimin e trafikut, që lidhen me përfundimin e “Unazës së Madhe”.
1. Në të gjitha lagjet e reja që do të ndërtohen në Tiranë do të jetë domosdoshmërish prezenca e një parku, i cili do të përmirësoje cilësinë e ajrit dhe lidhjet me pjesët e tjera te qytetit do të jenë të garantuara nga rrugë të gjera me së paku 4 korsi, trotuara, rrugë për biçikletat dhe linja të shpeshta autobusësh.
2- Të gjithë autobusët urban do të kenë në pikat e ndalesës së tyre oraret e mbërritjes dhe të nisjes dhe vonesat relative në tabelat elektronike të lidhura me vendndodhjen e autobusëve. Në oraret me trafik më të rënduar do të shtohet numri i autobusëve. Në çdo pikë ndalimi të autobusëve qytetarët do të kenë mundësinë të shohin hartat e udhëtimit të autobusëve dhe pikat e shkëmbimit me linjat e tjera.
Në të njëjtën kohë do të hartohen, aprovohen dhe implementohen abone 3 mujore, 6 mujore dhe 1 vjeçare për mjetet publike për të gjithë qytetarët e Tiranës të cilët nuk do te kenë detyrimin të mbajnë radhë të gjata në kioskat e shekullit të kaluar, por do të kenë mundësinë t’i blejnë këto abone online.
3- Ndërtimi i parkimeve shumëkatësh mbi dhe nën nivelin e tokës për 4 pikat hyrëse në Tiranë. Te mbikalimi i Kamzës, në hyrje te Kombinatit, pranë TEG-ut dhe në fillimin e rrugës së Arbrit, me kosto ditore prej 200 lekë. Kuponi i marrë në këto parkime do të vlej edhe si biletë ditore për qytetarët, që të lenë automjetet në këto pika dhe të vijojnë udhëtimin drejt qytetit me mjetet publike.
